അനിയമ്മാരെ തള്ളിപ്പറഞ്ഞ ദേവിക്ക് കിടിലൻ സർപ്രൈസ് ഒരുക്കി സാന്ത്വനം വീട്.!! അഞ്ജുവിന്റെ കെയർഏട്ടൻ ഇനി ശിവൻ.!! | Santhwanam Today Episode November 25

ദേവിയുടെയും ബാലൻ്റെയും ആനിവേഴ്സറിക്ക് വേണ്ടി ഗിഫ്റ്റുമായാണ് ശിവൻ വന്നത്. ശിവൻ വന്നതിന് പിന്നാലെ ഹരിയും അപ്പുവും വരികയാണ്. അപ്പോൾ തന്നെ ശിവൻ ഹരിയോട് ചോദിച്ചു. ബാലേട്ടനോട് വിളിച്ച് വേഗം വീട്ടിലേക്ക് വരാൻ പറഞ്ഞിരുന്നോയെന്ന്. അതൊക്കെ ഞാൻ പറഞ്ഞിട്ടുണ്ടെന്നും, അവർ ഇപ്പോൾ തന്നെ വരാൻ സാധ്യതയുണ്ടെന്നും പറയുകയാണ് ഹരി. പിന്നീട് ഹരിയും ശിവനും ഗിഫ്റ്റൊക്കെ ഒളിപ്പിച്ച് വയ്ക്കുകയാണ്. അപ്പോഴാണ് ബാലനും ദേവിയും വരുന്നത്. ഹരി വിളിച്ചതിനാൽ ഭയന്നാണ് രണ്ടു പേരും വരുന്നത്. പെട്ടെന്ന് തന്നെ ഹരിയെ വിളിച്ച് എന്താണ് പ്രശ്നമെന്ന് ചോദിക്കുകയാണ്.

പ്രശ്നമൊന്നുമില്ലെന്നും, പറയാമെന്നും പറഞ്ഞ് ഹരി കുളിക്കാൻ പോയി. പിന്നീട് ബാലൻ ആകെ ടെൻഷനടിച്ച് നിൽക്കുകയാണ്. അവർക്കെന്തു പറ്റിയെന്ന് ആലോചിച്ചു നിൽക്കുകയാണ്. അപ്പോഴാണ് ഹരിയും അപ്പുവും, ശിവനും അഞ്ജുവും ഒക്കെ ഹാപ്പി വെഡിംങ്ങ് ആനിവേഴ്സറി എന്നു പറയുകയാണ്. പിന്നീട് കെയ്ക്ക് വച്ച് രണ്ടുപേരോടും കട്ട് ചെയ്യാൻ പറയുകയാണ്. അപ്പോഴാണ് ദേവൂട്ടിയെ വിളിച്ചു കൊണ്ട് അവർ കെയ്ക്ക് കട്ട് ചെയ്യുന്നത്‌. പിന്നീട് എല്ലാവരും കെയ്ക്ക് കഴിച്ച് സന്തോഷത്തോടെ ഭക്ഷണം കഴിച്ചു. അപ്പോഴാണ് അഞ്ജു കിച്ചനിൽ പോയി പാത്രങ്ങൾ കഴുകുന്നത്.

അഞ്ജുവിനെ കാണാത്തതിനാൽ ശിവൻകിച്ചനിൽ വന്നു നോക്കുമ്പോൾ അഞ്ജു പാത്രം കഴുകുന്നതു കണ്ട ശിവൻ അങ്ങോട്ട് മാറി നിൽക്കാനും, ഞാൻ ചെയ്യാമെന്നും പറയുകയാണ്. അപ്പോഴാണ് ദേവി കിച്ചനിലേക്ക് വരുന്നത്. ഇത് കണ്ട ദേവി അപ്പുവിനെ കൂടി വിളിക്കുന്നു. ശിവൻ്റെ കെയറിംങ്ങ് കണ്ട് അപ്പു പലതും പറയുമ്പോൾ, ശിവൻ നാണംകെട്ട് റൂമിലേക്ക് പോവുന്നതോടെ ഇന്നത്തെ പ്രൊമോ അവസാനിക്കുകയാണ്.