ആറു വർഷത്തെ പ്രണയം തകരാൻ കാരണം സാമ്പത്തികമോ? സാന്ത്വനത്തിലെ സേതുവേട്ടന്റെ റിയൽ ലൈഫ് ഇങ്ങനെയൊക്കെയോ? | Santhwanam Fame Bijesh Avanoor Real Life Entertainment News

ബുദ്ധിമുട്ടുള്ള കുടുംബത്തിലാണ് ബിജേഷ് ജീവിച്ചത്. നാടകനടനായി അഭിനയിച്ചിരുന്നു. ഷോർട്ട് ഫിലിം സംവിധാനവും ചെയ്തിട്ടുണ്ട്. കുറച്ച് കാലം വിദേശത്തും ജോലി ചെയ്തിരുന്നു. നല്ലൊരു ചിത്രകാരൻ കൂടിയാണ് ബിജേഷ്. കല്യാണപ്രായമായിട്ടും എന്താണ് കല്യാണം കഴിക്കാത്തത് എന്ന് അനു ചോദിച്ചപ്പോൾ ഒരു പ്രണയകഥ ബിജേഷ് പങ്കുവെച്ചു. 6 വർഷം പ്രണയിച്ച പെൺകുട്ടി വളരെ സാമ്പത്തികമായി ഉയർന്ന കുടുംബത്തിലുള്ളതായിരുന്നു.

അവരുടെ കുടുംബത്തിന് താൽപര്യമില്ലാത്തതിനാൽ പിന്നീട് ആ ബന്ധം മുന്നോട്ട് പോയില്ല. പക്ഷേ പ്രണയനൈരാശ്യമൊന്നുമല്ല കല്യാണം കഴിക്കാത്തതെന്നും ബിജേഷ് പറയുന്നുണ്ട്. വയസ് 38 ആയെന്നും, ഒത്തു വന്നാൽ കല്യാണം കഴിക്കുമെന്നുമാണ് ബിജേഷ് പറയുന്നത്.6 വർഷം ഗൾഫിൽ ജീവിച്ച ബിജേഷ് നാട്ടിൽ വന്നതിന് ശേഷമാണ് സീരിയലിൽ എത്തുന്നത്. നടനാകുമെന്നൊന്നും കരുതിയിരുന്നില്ല. ടിക് ടോക്ക് ഒക്കെ ചെയ്തതിന് ശേഷമാണ് സീരിയലിലേക്ക് വിളിക്കുന്നത് എന്നും ബിജേഷ് പറഞ്ഞു. വീട്ടിൽ എത്തിയതിനു ശേഷമാണ് ബിജേഷ് അമ്മയെ പരിചയപ്പെടുത്തുന്നത്.