സുമിത്രയെ തേടി അനിരുദ്ധ് എത്തുന്നു.!! സുമിത്ര വക്കീലിൽ നിന്ന് സത്യങ്ങൾ തിരിച്ചറിയുന്നു.!! | Kudumbavilakku Today Episode March 4

പിന്നീട് കാണുന്നത് സുമിത്ര വക്കീൽ ഓഫീസിലെത്തുകയാണ്. ബെല്ലടിച്ചപ്പോൾ ഡോർ തുറന്ന വക്കീൽ സുമിത്രയെ കണ്ട് ഞെട്ടുകയാണ്. വക്കീലിനെ കാണാൻ വന്നതാണെന്ന് പറഞ്ഞപ്പോൾ, എനിക്ക് തിരക്കുണ്ടെന്ന് പറഞ്ഞ് ഒഴിഞ്ഞ് മാറാൻ ശ്രമിക്കുകയാണ്. എത്ര തിരക്കുണ്ടെങ്കിലും, നിങ്ങൾ എനിക്ക് വേണ്ടി കുറച്ച് മിനുട്ടെങ്കിലും ബാക്കി വയ്ക്കണമെന്ന് പറയുകയാണ്. വക്കീലിൽ നിന്ന് സത്യങ്ങൾ അറിയാതെ തിരിച്ച് പോവില്ലെന്ന് തീരുമാനിച്ച സുമിത്ര യോട് കുറച്ചു സമയം അവിടെ ഇരിക്കാൻ പറയുകയാണ്. പിന്നീട് അനിരുദ്ധിനെയാണ് കാണുന്നത്. ഭക്ഷണം കഴിച്ചു കൊണ്ടിരിക്കുമ്പോൾ അവർ പലതും സംസാരിക്കുകയാണ്. ദീപു അങ്കിളിൻ്റെ വീട്ടിൽ പോയോ എന്ന് ചോദിച്ചപ്പോൾ, പോണമെന്നും, അമ്മയില്ലാത്തതിനാൽ എനിക്ക് അങ്ങോട്ടൊന്നും പോവാൻ ഒരു ഇഷ്ടമില്ലെന്ന് പറയുകയാണ്.

അപ്പോഴാണ് അനന്യ ആ സത്യം പറയുന്നത്. സുമിത്രാൻറി ജീവനോടെയുണ്ടെന്നും, അമ്മയെ സുമിത്രാൻ്റി കണ്ടിരുന്നെന്നും, 6 വർഷം കോമയിലായിരുന്നെന്നും പറയുകയാണ്. ഇത് കേട്ട് ഞെട്ടിയ അനിരുദ്ധ് അമ്മ ഇപ്പോൾ എവിടെയാണെന്ന് വചോദിക്കുകയാണ്.അത് അറിയില്ലെന്നും, ദീപു അങ്കിളിനോട് അന്വേഷിക്കാനും പറയുന്നു.അങ്ങനെ അനിരുദ്ധ് ദീപുവിൻ്റെ വീട്ടിൽ പോവുകയാണ്. അനിയെ കണ്ട് ദീപുവും ആശ്ചര്യപ്പെടുകയാണ്. സുമിത്ര മരിച്ചെന്ന് അനിരുദ്ധിനോട് കളവ് പറഞ്ഞ ദീപു ഇനി എന്തു പറയുമെന്ന് ആലോചിക്കുകയാണ്.