അമ്മയുടെ ആഗ്രഹം കൊണ്ടാണ് ഞങ്ങൾ ഇവിടെ ഇന്നും നില്കുന്നത്.!! അച്ഛൻ പോയപ്പോൾ എന്തു ചെയ്യുമെന്ന് പേടിച്ച ദിവസങ്ങൾ; മനസുതുറന്ന് പ്രിത്വിയും ഇന്ദ്രനും.!! | Mallika Sukumaran 50 Years In Cinema Celebration Prithviraj

സ്വന്തംകർമ്മമേഖലയിൽ 50 വർഷം പൂർത്തിയാക്കുക എന്ന വളരെ കുറച്ച് വ്യക്തികൾക്ക് മാത്രം സാധിക്കുന്ന കാര്യമാണെന്നും, അത് ഒരു അതിശയമാണെന്നും, എന്നെയും ചേട്ടനെയും പോലുള്ള ചെറിയ കലാകാരന്മാർക്ക് മനസിലാകും 50 വർഷം എന്നത് എത്രത്തോളം വലുതാണെന്നത്. അച്ഛൻ മരിച്ച ശേഷം ആംബുലൻസിൽ കയറിയപ്പോൾ, ഇനി അമ്മ എന്തു ചെയ്യും എന്ന ചിന്ത ഞങ്ങളിൽ ഉണർന്നെങ്കിലും, അതിനുത്തരമാണ് ഇന്നിവിടെ നിൽക്കുന്ന ഞാനും ചേട്ടനുമെന്ന് തൊണ്ടയിടറി കൊണ്ട് പറയുകയാണ് പൃഥ്വിരാജ്. ഇത് കേട്ട് മല്ലികയുടെ കണ്ണുകൾ നനയുകയും ചെയ്തു. കൂടാതെ തനിക്ക് ലഭിച്ചിട്ടുള്ള ഭാഗ്യത്തെ കുറിച്ചും താരം പറയുകയുണ്ടായി. അമ്മയെ വച്ച് സിനിമ നിർമ്മിക്കാനും,സംവിധാനം ചെയ്യാനും, ഒരുമിച്ച് അഭിനയിക്കാനും ഭാഗ്യം ലഭിച്ച എത്ര മക്കളുണ്ടെന്ന് എനിക്കറിയില്ലെന്നും, ഈ ഒരു ഭാഗ്യം എനിക്ക് ലഭിച്ചതിൽ ഞാൻ അഭിമാനിക്കുന്നുവെന്നും താരം പറയുകയുണ്ടായി.

പതിനാലാം തീയതി എംപുരാൻ്റെ ഷൂട്ടിംങ്ങിനായി അമേരിക്കയിൽ പേകേണ്ടിയിരുന്ന എൻ്റെയും ചേട്ടൻ്റെയും വിസ വരാത്തതിനാലാണ് പോവാൻ സാധിക്കാതിരുന്നതെന്നും, അതിൽ സന്തോഷമുണ്ടെന്നും, പക്ഷേ ഞങ്ങൾ പോവാതിരിക്കാൻ അമ്മ വല്ലതും ചെയ്തിട്ടുണ്ടോ എന്ന് അറിയില്ലെന്നും, എൻ്റെ അമ്മ ആയതു കൊണ്ട് എനിക്ക് സംശയമുണ്ടെന്നും പറയുകയാണ് പൃഥ്വിരാജ്. ഇത് കേട്ട് സദസിൽ എല്ലാവരും പൊട്ടിച്ചിരിക്കുകയായിരുന്നു. ‘ഇനി അധികം മോഹമൊന്നുമില്ലെന്നും, ഇതുവരെ ലഭിച്ച ദാനത്തിന് ജഗദീശ്വരന് നന്ദി പറയുകയുമാണ് മല്ലികാ സുകുമാരൻ മറുപടി പ്രസംഗത്തിൽ പറഞ്ഞത്.