ഗുരുവായൂരപ്പനെ കാണാനെത്തി അഭിയും ജലജയും.. അനന്തപുരി തറവാട്ടിൽ നിന്നും ഗുരുവായൂർ നടയിൽ! വിശേഷം തിരക്കി പ്രേക്ഷകർ | Patharamattu Actors At Guruvayur

Patharamattu Actors At Guruvayur: മിനിസ്ക്രീൻ പ്രേക്ഷകർ ഇഷ്ട ചാനലാണ് ഏഷ്യാനെറ്റ്. ഏഷ്യാനെറ്റിൽ സംപ്രേക്ഷണം ചെയ്യുന്ന നിരവധി പരമ്പരകളിൽ റേറ്റിങ്ങിൽ ഒട്ടും പിന്നിലല്ലാതെ മുൻപന്തിയിൽ നിൽക്കുന്ന പരമ്പരയാണ് പത്തരമാറ്റ്. 2023 മെയ് 15ന് സംപ്രേക്ഷണം ആരംഭിച്ച പരമ്പര രാത്രി 8.30 നാണ് ഏഷ്യാനെറ്റിൽ പ്രേക്ഷകർക്ക് മുന്നിലെത്തുന്നത്. സീരിയൽ തുടങ്ങി ഒരു വർഷത്തോടടുക്കുമ്പോൾ നിരവധി പ്രേക്ഷകരാണ് സീരിയലിൻ്റെയും അതിലെ കഥാപാത്രങ്ങളുടെയും ആരാധകരായി മാറിയത്.

ജ്വല്ലറി വ്യവസായി അനന്തമൂർത്തിയുടെയും, കുടുംബത്തിൻ്റെയും കഥ പറയുന്ന ഈ പരമ്പരയിൽ സ്നേഹം, പ്രണയം, വാത്സല്യം, പക തുടങ്ങിയ അവസ്ഥകളിലൂടെയാണ് കടന്നു പോകുന്നത്. കൂടാതെ വ്യവസായിയുടെ കുടുംബത്തിലേക്ക് അപ്രതീക്ഷിതമായി കടന്നു വരുന്ന മിഡിൽ ക്ലാസ് കുടുംബമായ ഉദയഭാനുവിൻ്റെയും കനക ദുർഗ്ഗയുടെയും മക്കളുടെയും കഥ കൂടി കടന്നു വരുന്നുണ്ട്. ഈ രണ്ട് കുടുംബങ്ങൾ ചേരുമ്പോൾ ഉണ്ടാകുന്ന പ്രശ്നങ്ങളിലൂടെയാണ് കഥയുടെ ആവിഷ്കാരം.